唐狗被綁樹旁 口鼻被索帶綁實 幸及時獲救

呢隻唐狗仔被發現時，佢被綁喺樹旁邊，口鼻更被索帶綁實，幸好佢及時被救起。雖然狗狗先前好明顯被人殘酷對待，但經調查後，並冇人被檢控！漁護署接收咗狗狗後，將佢歸類為「友善且喜歡擁抱」嘅類別。動保組織 “Sai Kung Stray Foundation” 義工最近去漁護署探訪狗狗期間，帶狗狗喺院內散步。義工慨嘆：「探佢嗰日陽光普照。佢見到陽光好開心，擺晒住尾，仲 keep 住微笑。年僅 7 歲嘅佢，非常活潑，充滿生命力。點解要因為某個唔負責任、無情嘅前主人而令佢要面臨安樂死呢？」

義工希望在此呼籲：「希望狗狗能夠盡快遇上佢狗生第二次幸運，等到一個願意暫托或畀個家佢嘅有心人。」有意了解更多／寄養／領養，請直接 Whatsapp 聯絡 9199.2340 (Narelle Mob)，感謝！

備註：雖然日前有位善心女士已向 Narelle 示意有興趣領養狗狗，但該女士家中已有四隻狗，如家訪後，五隻狗狗未能相處，Narelle 就需要搵另一位領養人補上，所以如有意領養狗狗，Narelle 仍希望你能夠 Whatsapp 佢，先留低聯絡姓名及電話俾佢。

資料來源：Sai Kung Stray Foundation