浪媽棲身獨居婆婆後花園生 B 狗 B 仔全被領養 剩兩乖巧狗 B 女

日前，動保組織「寵愛家」義工同朋友經過元朗某處時，意外發現 5 隻狗狗，當中有 2 隻係 6 －8 個月大嘅狗 B。「佢哋見到我哋架車入去就好開心咁等我哋餵食，當時以為佢哋係浪浪，亦有其他好心人揸車入去餵食，所以見到我哋揸車入去就咁興奮，於是乎就諗不如餵熟啲捉佢哋去絕育啦！」

及後義工再到現場視察，並同其中一名村民溝通過後，得知 2 隻狗 B 原來係一名年邁嘅老婆婆飼養嘅，村民幫手聯絡婆婆嘅女兒告知義工有想帶 2 隻狗 B 去絕育嘅打算，婆婆女兒答應可以畀義工幫狗 B 絕育，同時畀咗個難題義工…

兩隻狗 B 嘅媽媽係自來犬，佢去到婆婆嘅花園生活，婆婆就出於好心提供食物比佢，狗媽亦將花園變成自己嘅安落窩，及後狗媽生 B 又帶多兩個男朋友返去，上年 7 月中生 咗 BB，有幾隻已拎咗比朋友養，剩低 2 隻狗女..

「細問下原來獨居婆婆已經 90 歲，年紀大無力照顧咁多隻狗狗，同婆婆女兒溝通後，佢都願意比時間我哋去幫呢兩隻狗女尋家，但時間唔能夠太耐。」

兩隻狗 B 女於上年 7 月出生，性格友善乖巧，一隻叫「辣妹」，較細身，好為食；另一隻叫「飛機妹」，較大身，擁有一對大大嘅飛機耳。如想了解「辣妹」及「飛機妹」更多或有意領養，請聯絡「寵愛家」。感謝！

授權轉載：寵愛家