暫托家庭「不捨得怎放手」終決定暫托變領養
日前，動保組織「守護浪浪福利協會」舉辦領養日，當日唐狗「蕃茄」有唔少領養者去到領養日睇蕃茄，亦都願意領養「蕃茄」，但最後因為暫托家庭唔捨得蕃茄，所以暫托家庭決定領養「蕃茄」！
名字：蕃茄
品種：唐狗 (女) 2.5 歲
性格：親人親狗
背景：BB 嘅時候畀人放咗喺狗場門口幸好被救起。
「守護浪浪福利協會」義工感謝大家對「蕃茄」嘅關注，所以希望同大家立即分享呢份喜悅，但與此同時，協會其實仲好多唐狗仍然等待一個家，盼大家繼續支持領養！
「蕃茄」嘅領養家庭係協會其中一個暫托家庭，佢哋幫協會暫托過超過 20 幾隻狗狗，幫忙做一個中途站暫托，全部最後都成功尋找到幸福嘅家。「蕃茄」暫托雖然已變成主人 ，但佢哋同協會義工講，就算領養咗「蕃茄」，仍然會繼續幫協會做暫托家庭，等有需要尋家嘅狗狗仍然有一個中途站，等待幸福嘅來臨！
資料來源：守護浪浪福利協會
其他資訊
