上年年底幸獲領養小狗「桂花女」 疑因腦積水 昨日已往彩虹橋
上年年中，城城小編報導過一隻叫「桂花女」嘅狗 BB，佢因為後髖關節嚴重甩骹及已生成畸形，只能拖住後腿爬行而被前主人棄養。
及後，「桂花女」非常幸運，搵到一個非常愛佢嘅屋企！直至昨日，城城小編透過沙律媽，收到「桂花女」領養人嘅消息：「桂花女（花花）返咗天家，初步懷疑有腦積水，原因未明，有機會係先天或者以前嘅創傷導致。
沙律媽表示：「好多謝領養人悉心照顧『桂花女』，等佢日日可以做大小姐，相信佢一定感受到有人愛錫嘅幸福。『桂花女』，你已經好叻！由一開始乜都驚，慢慢肯俾人抱，之後又再慢慢學用輪椅行路，好叻女。希望你帶住領養人同大家對你嘅愛，喺天家盡情咁跑啦！」
資料來源：沙律貓狗之家 MCCC
人氣文章
主人意外後無法照顧狗狗 領養群組有人接手 幾日後驚聞狗狗疑被棄大圍街上
Jul 21, 2025
【22個月的思念】 群組力量 助狗狗骨灰重返主人身邊 「再次印證 fb 大神嘅威力！人間有愛！」
Jul 8, 2025
其他資訊
