前主人因移民棄養兩老貓
日前，動保組織「遇貓堂」收到緊急求助。事緣一位養咗兩隻 11 歲貓貓嘅主人移民，佢知道自己未能帶貓貓一同移民時，要求身邊好友能否接收，可惜冇朋友可以幫忙，直到要離港，就向求助人表示：「只能前往機場前將兩貓棄置垃圾站」。求助人唔忍心，輾轉之下聯絡「遇貓堂」義工。義工忿慨表示：「我哋了解始末後既氣忿又心痛，我哋唔理解陪伴咗佢 11 年嘅貓貓做錯啲咩，竟然落得如此下場。」
「遇貓堂」縱然中心面臨嚴重爆場嘅危機，都唯有硬住頭皮接收兩位老人家，因為唔想佢哋淪落街頭而面對未知嘅危險。「我哋同事已經接收兩位及安排隔離中，目測兩位情況暫時都算穩定，會再安排佢哋做檢查。」
兩位老人家喺「遇貓堂」中心仲未願意進食及排泄。義工感受到佢哋嘅驚慌，真係好可憐。現階段希望佢哋快啲進食，唔好捱壞身體。
資料來源：遇貓堂
人氣文章
主人意外後無法照顧狗狗 領養群組有人接手 幾日後驚聞狗狗疑被棄大圍街上
Jul 21, 2025
【22個月的思念】 群組力量 助狗狗骨灰重返主人身邊 「再次印證 fb 大神嘅威力！人間有愛！」
Jul 8, 2025
其他資訊
