數碼港發現貓咪骨灰袋 好心人盼為貓尋回主人

日前，一位網民（網名 BoBo Lai）代友人喺愛貓群組出 PO：「朋友 21 Jan 2024 喺數碼港公園草叢發現呢位小朋友嘅骨灰袋。估計當時係因為公園做緊樹木美化工程，所以工人將小朋友主人埋咗喺泥土裡面嘅骨灰掘咗出嚟。貓貓名 『比比 』；年份：2005-2019。朋友年初有嘗試幫呢位小朋友尋主人，但係無消息，所以將佢嘅骨灰袋 keep 起。骨灰袋留到今日，都想再次盡最大努力幫『比比 』搵多次主人。如果有人識得呢位小朋友，又或者識得佢嘅主人，可以叫佢個主人聯絡我哋。無論幾遠我都會交番到你手上。如果最後都冇人認領，我會帶佢去善終公司，同其他貓貓一齊回歸大自然。」

城城小編在此希望呼籲大家廣傳此 PO！感謝 BoBo 同佢朋友嘅善心，希望 「比比 」主人可以睇到，盡快接返「比比 」返去就好了！如果你識得「比比 」，又或者識得「比比 」主人，請聯絡王小姐（9630 3884）。

授權轉載：fb @ BoBo Lai