【Kakato 特約 寵物店長之日常】 車房狗店長「小學雞」 主人：把狗狗當成家人

呢間位於土瓜灣、營業近三十年嘅車房，有位非常友善、由店主一家所養嘅狗店長，佢仲有個好得意嘅名——「小學雞」！

一般車房都會養狗狗看門口，同好多寵物店長一樣，本身係金毛尋回犬混邊境牧羊犬嘅小學雞，同區內街坊都非常熟落，但但身為女孩子嘅同男客人比較相熟，仲成日鬧出笑話。

其實呢間車房一向都有狗狗坐陣，而Eva同陳太一家一早當左小學雞係屋企人，狗狗成為店長之後可以同佢日見夜見，做咩都可以一齊做。

咁多年以來嘅狗狗店長可以話係一代傳一代，但係咁多隻狗狗都係收養而來，Eva同屋企人從不買寵物。

其實寵物都係我地嘅屋企人、家庭一份子，人同寵物之間不應存在任何買賣，而且同維繫親情一樣，我地應該好好珍惜同寵物相處嘅時間。

鳴謝：安全輪呔電池公司