台灣花蓮有狗被電單車拖行四腳淌血涉事男子辯稱：「狗中毒」

日前，台灣花蓮網民黃小姐經過慈濟精舍附近，見到一名年約 40 歲嘅男子牽住隻狗，而狗狗四隻腳嘅腳底都流緊血。黃小姐隨即上前問個究竟，該男子辯稱：「狗中毒」。黃小姐估計：「見嗰個男人係揸電單車嘅，而狗狗四隻腳流血，又不停喘氣，估計狗狗似被電單車拖住跑咗好一段路...」

「佢見到我影相同話要報警，嚇到即刻拆咗狗帶，自己揸電單車走咗，留低咗隻狗。」黃小姐已經託附近民宿「海之戀」老闆「海爸」幫手送狗去睇醫生，並且通報咗防疫所，佢哋表示會跟住車牌追人，仲會查監控，希望可以嚴懲該男子。

「海爸」出 PO 更新狗狗最新消息：「狗狗基本檢查與傷口處理已完成！大家放心，基本上孩子不會再讓他帶回，暫時安置驛站養傷與平復心情，待防疫所相關動保單位究責完整後，後續牠的去處，我們定當會妥善安排。」