貓咪月前被清潔工用地拖棍拍打驅趕 義工好消息：「有家了！ 」
月前，長沙灣元州邨一隻垃圾房貓咪被清潔男工用地拖棍拍打驅趕，幸得善心網民及時上前制止並 call 人求助，由動保組織「不是貓球」接收咗貓貓返貓舍，改名為「蓉蓉」。
今日，城城小編收到「不是貓球」義工好消息：「『蓉蓉』有屋企喇！ 好開心呀！領養家庭都係住長沙灣，曾經都有養貓，家居佈置窗網貓用品有齊，非常舒適。蓉蓉嘅性格，我哋都知道唔駛困籠，聽返領養人講，初時佢係有啲緊張，成晚喺度行嚟行去，到第二日開始適應，會踏踏被、玩玩具、食罐罐，非常輕鬆自在，即刻萬千寵愛，好羨慕呀！有家係幸福嘅開始呀！」
感謝支持領養！祝福領養家庭同蓉蓉健康開心每一天！
授權轉載：不是貓球
其他資訊
