日本加入可愛小型警犬 網民質疑「捉到賊嗎？」

講到警犬品種，我哋香港常見嘅多為德國牧羊犬、比利時瑪連萊犬、杜賓犬、洛威拿、史賓格犬及拉布拉多等較大型嘅犬種。不過，近日，日本石川縣就出現咗一隻好可愛嘅玩具貴婦狗。呢隻狗狗叫小空（そら），今年 9 歲，係石川縣首隻小型「嘱託警犬」。

「嘱託警察犬」係警犬嘅一種，平時由普通家庭等民間機構飼養，但當警方需要用到佢嘅時候，佢哋會出動協助警察進行調查、搜索失蹤者下落等各種任務。

據石川縣警方統計，去年嘱託警犬參與咗共 118 次工作，其中 1 次係犯罪調查，其餘 117 次係搜尋失蹤者。過去 3 年當中，嘱託警犬已經幫助搵到 7 名失蹤者，充分證明咗嘱託警犬喺搜尋失蹤人口方面嘅技能。

其實除咗小空之外，石川縣今年一共有 23 隻嘱託警犬接受訓練，其中除咗有大家常見嘅大型犬，如德國牧羊犬同拉布拉多犬之外，仲有小型犬如「豆柴」同「柴犬」，因為佢哋具有極佳嘅嗅覺同智力，所以都被認可能成為嘱託警犬嘅犬種。

資料來源：NHK