Tyson Yoshi 再次領養浪貓 身體力行支持領養

Tyson Yoshi 一向大力支持以領養代替購買，甚至身體力行以實質行動去支持。佢現時家中嘅兩隻愛貓「jackjack」同「Lyla」都係從熱心救助浪浪及貓貓嘅大角咀良心小店「我要辣魚蛋」領養返嚟嘅。

日前，Tyson Yoshi 與女友 Christy 又再次喺「我要辣魚蛋」領養多隻貓貓。貓貓名叫「菇椰」，係男仔嚟嘅。「我要辣魚蛋」負責人心田於 fb 專頁公開向 Tyson Yoshi 及  Christy 表達謝意：「感謝 Tyson Yoshi 同女友 Christy 再次領養新成員，一直以嚟你哋都好關注同好尊重有需要幫助嘅小動物，甚至身體力行去支持。你哋除咗經常介紹朋友領養其他貓貓，今次更親身嚟到舖頭探其他貓貓同接『菇椰』。由第一個寶寶黑喵『jackjack』、拉豬『Lyla』到大哥黃 b『菇椰』，都係嚟自街上浪媽嘅懷胎。十分感謝你哋兩位，希望藉住你哋嘅感染力令周邊嘅人都幫助更多其他無助小動物同有關義工。」

Tyson Yoshi 屋企現時共有 5 隻貓，3 隻係被領養嘅浪浪，而新成員「菇椰」原本係其實係五兄妹嘅大哥哥嚟㗎，依家去到 Tyson 屋企之後，就要做細佬五弟喇！

重溫 Tyson Yoshi 「支持領養 反對盲目追捧名種動物」專訪：www.mocity.com.hk/video/560

資料來源：我要辣魚蛋