絕色美女「叱咤」領養申請 一日已超額
呢隻兩個半月大嘅貓 B 叫叱咤。叱咤係被人喺車房發現嘅。託媽第一眼見到叱咤時，佢仲奇怪點解有灰色嘅唐貓。當叱咤沖完涼之後，發現原來叱咤係一隻擁有金黃斑紋嘅絕色美女嚟㗎，之前只係被厚厚嘅灰塵遮掩住咗。
日前，動保機構 LAAS 為叱咤出領養，唔少有興趣領養嘅人都非常垂涎叱咤嘅美色，申請領養嘅反應非常踴躍。唔夠一日，申請領養叱咤嘅有心人就已經超額，現暫停接收新嘅領養申請喇！有興趣領養貓咪嘅話，其實 LAAS 仲有唔少可愛嘅貓咪等待被領養，大家都可以留意下佢哋㗎！
溫馨提示：領養係一生一世嘅事，記得諗清諗楚願意執屎之手與子偕老嘅你先好考慮領養呀！
資料來源：愛領養動物中心
其他資訊
