【告急】「沙律貓狗之家」戶口只餘數千元

近日，動保機構「沙律貓狗之家」出 PO 告急：「現時沙律家戶口只餘下數千元。今個月嘅租金、醫療費、糧食費、水電費無力支付，面對如此經濟困境，可以點算？」

「沙律貓狗之家」現時有超 200 隻毛孩，單單毛孩每個月最基本嘅糧食，未計上處方糧，每月都需要七萬多，再加上租金、水電、其餘日常開支（未計算醫療同長期病患藥物、毛孩預防藥物），每月場內支出都需要六位數字。

而毛孩的救援個案，大部上所籌得嘅捐款都未能找清所需要的醫療費用，以致沙律家仍欠三間診所嘅醫療費用未找，毛孩們就嚟連醫生都無得睇...

沙律家一直都係靠各位善心人嘅支援，面對經濟轉差，捐贈減少，但救援同支出持續增加嘅情況，沙律媽真係支撐不住啦！希望大家可以伸出援手。支援一下沙律家，成為沙律家最強後盾，好讓沙律媽以及義工們可以專心照顧毛孩！

有意支援一班毛孩，助佢哋走出困境，渡過經濟難關，請直接 PM 「沙律貓狗之家」，感謝！

資料來源：沙律貓狗之家