即睇 4 個狗狗唔信任你嘅表現

唔少狗狗當轉換新環境，佢哋對主人、對環境覺得陌生時會產生唔信任。另外，有狗狗因為長期遭受主人嘅打罵、經常被強迫做唔喜歡做嘅事，或主人從來無喺狗狗心理建立領導地位，以上種種原因都有可能造成狗狗對你產生唔信任嘅感覺。狗狗唔信任主人時，會有咩表現呢？

1 主人叫極佢都唔畀反應

當主人叫狗狗時，狗狗完全唔唔畀反應嘅話，甚至表現畏縮、扮聽唔到，唔想理睬主人，其實代表狗狗對主人唔信任！

2 拒絕被主人撫摸

信任主人嘅狗狗會好樂意畀主人撫摸，仲會好享受主人嘅「摸摸時光」，但係相反唔信任主人嘅狗狗會好抗拒，更甚可能會出現咬主人嘅行為。

3 喜歡匿埋喺角落瞓覺

狗狗如果對主人唔信任，佢對屋企嘅環境都會產生不安全感，瞓覺時狗狗傾向匿埋喺角落、桌底、床下面等比較昏暗嘅地方瞓，唔敢隨心所欲。

4 唔喺主人面前進食

狗狗如果唔敢喺主人面前進食，代表佢對主人有所顧忌，當主人畀嘢狗狗食嘅時候，狗狗會將食物叼走或者是等主人離開先敢食。

如何增強狗狗對主人嘅信任？
主人只要多加與狗狗互動，多相處，加深彼此嘅感情，狗狗一定會打開心房，慢慢相信主人，對主人越來越信任㗎！