兩名唐狗 BB 領養後被退回 退回原因：「體積太大及有時會撲向家人」

兩名唐狗 BB （名 Cotton 同 Cookie，一男一女，約 4 個月大）早前透過「阿棍屋」舉行嘅領養日活動已經成功搵到主人家，但好不幸地，唐狗 B 喺入屋幾個月後被領養者退回「阿棍屋」中心。義工嘗試了解退回原因，領養者表示，因為唐 B 日漸長大，體積太大及有時會撲向家人，所以認為唔再適合繼續飼養佢哋。

「阿棍屋」收到呢個退養嘅消息感到非常難過，於 fb 專頁發文再次呼籲各位領養前必須要諗清諗楚：「毛孩與人一樣有感受，我們絕不希望他們覺得再受到遺棄。我們了解及體諒飼養動物並非容易，但正正因為如此我們再一次呼籲領養前必須考慮好所有因數才作出決定，勿輕忽一個一生一世的承諾。每一次的領養過程，我們都非常希望能夠為毛孩尋找一個擁有終身幸福的家。因此即使不少人反映我們領養手續較為繁複，包括領養者有可能要每星期一次連續三星期到訪中心探望毛孩及需家訪等，但都仍然一直沿用這個方式為毛孩尋家。」

現階段，「阿棍屋」雖然好希望能夠將兩名被退回嘅唐狗 B 安置喺中心，但無奈現時中心宿位已全滿，而暫托家庭亦已幫忙緊照顧其他動物，基本上已冇多餘空間再暫托兩隻身形日漸成長嘅唐狗。如有心人想領養或暫托 Cotton 同 Cookie，請 pm 「阿棍屋」。

授權轉載：阿棍屋