寵物快訊

Aug 18, 2017

【十八區狗公園】觀塘大業街花園寵物公園

觀塘大業街花園寵物公園,唔算好就腳,但勝在靜靜地,而且附近又要著名港產片拍攝景點,真係放狗又得,自拍打卡又得。 

觀塘大業街花園寵物公園,位置界乎牛頭角同九龍灣之間,附近主要是商業大廈及廠廈,地方唔算好就腳,不過周未去放狗,地方也算清靜,唔多人。另外,周末泊車喺附近也唔難搵位。

公園地方算寛敞,有草地供狗狗走動,狗隻飲水器、長椅,桌子。但俾狗狗用嘅設施唔多,連狗廁所都欠奉。

不過寵物公園附近的天橋,有個持別嘅外號叫「志明橋」,電影《志明與春嬌》及謝安琪《你們的幸福》MV的取景地,所以去開呢個寵物公園散步,不妨去天僑影影相、打打卡。

公園全日廿四小時開放。

位置:3/5
空間:4/5
設施:3/5
MOCITY總評分:3.5/5